თქვენი ბიზნესის AI აგენტი — თვეში 100 ლარად
მომხმარებელი თქვენს საიტზე შემოდის, ინტერესდება პროდუქტით და კითხვა უჩნდება. ამ დროს სწრაფმა, გასაგებმა პასუხმა შეიძლება გადაწყვიტოს, გააგრძელებს თუ არა თქვენთან ურთიერთობას. ყოველთვიური გადასახადი მხოლოდ ბიზნესებს ეხება, ფიზიკური პირებისთვის პირდაპირ nae.ge გამოყენება ყოველთვის დარჩება თვეში სავალდებულო გადასახადის გარეშე და ბალანსის შევსება 2 ლარიდან.
ნაეს გუნდი თქვენი ბიზნესისთვის შექმნის პერსონალურ AI აგენტს — ციფრულ კონსულტანტს, რომელიც მომხმარებლებს ქართულად ესაუბრება, ეხმარება საჭირო ინფორმაციის მიღებაში და დაინტერესებულ ადამიანს შემდეგი ნაბიჯისკენ მიუძღვის.
იცნობს თქვენს ბიზნესს. საუბრობს თქვენი სახელით.
აგენტს თქვენი მოწოდებული ინფორმაციით ვამზადებთ: რას სთავაზობთ მომხმარებელს, როგორ მუშაობთ, რა პირობები გაქვთ და რომელი კითხვები ისმის ყველაზე ხშირად.
მას შეიძლება ჰქონდეს საკუთარი სახელი, საუბრის სტილი და თქვენი ბრენდის შესაბამისი ხასიათი. მომხმარებლისთვის ის გახდება პირველი კონტაქტი, რომელსაც შეუძლია მოუსმინოს, დააზუსტოს საჭიროება და დაეხმაროს — სამუშაო საათების მიღმაც.
რაში დაგეხმარებათ AI აგენტი?
- უპასუხებს ხშირად დასმულ კითხვებს თქვენი პროდუქტებისა და მომსახურების შესახებ.
- დაეხმარება მომხმარებელს მისთვის შესაფერისი შეთავაზების მოძებნაში.
- დააზუსტებს, რა სჭირდება დაინტერესებულ ადამიანს.
- სთხოვს საკონტაქტო ინფორმაციას, რომ თქვენმა გუნდმა საუბარი გააგრძელოს.
- ინდივიდუალური შეთავაზების ან დამატებითი დახმარების საჭიროებისას მომხმარებელს თანამშრომელთან გადაამისამართებს.
პასუხების საფუძველი თქვენი ბიზნესის ინფორმაციაა. საკითხები, რომლებიც ადამიანის გადაწყვეტილებას საჭიროებს, თქვენს გუნდთან რჩება.
გაიცანით მარიამი — BrandHand-ის AI კონსულტანტი
ეს მიდგომა უკვე გამოიყენება ბრენდჰენდში, სადაც მარიამი საიტის სტუმრებს ესაუბრება და მათ საჭიროებებში გარკვევაში ეხმარება. ბრენდჰენდი საქართველოში წამყვანი ბეჭდვითი სარეკლამო კომპანიაა, რომელიც 1,600-ზე მეტ პროდუქტზე ახდენს ბრენდირებას.
ბრენდჰენდის გუნდის დაკვირვებით, მარიამმა უკვე ათეულობით პოტენციური მომხმარებლის მიმართვის მიღებას შეუწყო ხელი. ეს ჩვენი საკუთარი ბიზნესის გამოცდილებაა — შედეგი სხვა კომპანიაში დამოკიდებული იქნება საიტის ვიზიტორებზე, შეთავაზებასა და შემდგომ კომუნიკაციაზე. შეგიძლიათ თავად შეხვიდეთ ბრენდჰენდის საიტზე, გაესაუბროთ მარიამს და ნახოთ, როგორი შეიძლება იყოს თქვენი ბიზნესის AI აგენტი.
როგორ ვიწყებთ?
მოგვწერეთ business@nae.ge და გვიყვებით თქვენი ბიზნესისა და მომხმარებლების შესახებ. გვაწვდით პროდუქტების, მომსახურების, პირობებისა და ხშირად დასმული კითხვების ინფორმაციას. ამის საფუძველზე ვამზადებთ აგენტს, თქვენთან ერთად ვამოწმებთ პასუხებს და ვათავსებთ თქვენს ვებსაიტზე.
გაშვებამდე ვათანხმებთ სამუშაოს მოცულობასა და საჭირო ფუნქციებს. დამატებითი არხები და სპეციალური ინტეგრაციები ცალკე განიხილება.
მომსახურების ფასი — 100 ლარი თვეში
თქვენს მომხმარებლებს ექნებათ ინფორმაციის მიღების კიდევ ერთი მარტივი გზა, თქვენს გუნდს კი — მეტი შესაძლებლობა, ყურადღება რეალურად დაინტერესებულ ადამიანებს დაუთმოს.
მოგვწერეთ თქვენი ვებსაიტის მისამართი და მოკლედ გვიამბეთ საქმიანობის შესახებ — ერთად განვსაზღვროთ, რაში დაგეხმარებათ თქვენი AI აგენტი.